منظوم پہیلیاں
ترور سے ایک تریا اتری اس نے بہت رجھایا
باپ کا نام جو اس سے پوچھا آدھا نام بتایا
آدھا نام پِتا پر پیارے بوجھ پہیلی موری
امیر خسرو یوں کہیں اپنا نام بنولی
جواب: بنولی
فارسی بولی آئی نا
ترکی ڈھونڈی پائی نا
ہندی بولوں آر سی آئے
خسرو کہے کوئی نہ بتائے
جواب: آئینہ (آرسی)
بیسیوں کا سر کاٹ لیا
نہ مارا نا خون کیا
جواب: ناخون یعنی ناخن
اندھا گونگا بہرہ بولے گونگا آپ کہائے
ایک سفیدی بہوت انگارا گونگے سے بھڑ جائے
جواب: ؟
سی سی کر کے نام بتایا تا میں بیٹھا ایک
الٹا سیدھا ہر پھر دیکھو وہی ایک کا ایک
جواب: ؟
بھید پہیلی میں کہی تُو سن لے میرے لال
عربی ہندی فارسی تینوں کرو خیال
جواب: ؟
ایک نار بھنورا سی کالی
کان نہیں وہ پہنے بالی
ناک نہیں وہ سونگھے پھول
جتنا عرض اتنا ہی طول
جواب: ؟
لود پھٹکری مردانہ سنگ
ہلدی زیرہ ایک ایک ٹنگ
افیون چنا مرچیں چار
ارد برابر تھوتھا ڈار
جواب: ؟
نر سے پیدا ہووے نار
ہر کوئی اس سے رکھے پیار
ایک زمانہ اس کو کھاوے
خسرو پیٹ میں وہ نہ جاوے
جواب: ؟
نر سے پیدا ہووے نار
ہر کوئی اس سے رکھے پیار
ایک زمانہ اس کو کھاوے
خسرو پیٹ میں وہ نہ جاوے
جواب: ؟
یک نار ترور سے اتری ماسوں جنم نہ ہایو
باپ کا نام جو وا سے پوچھو آدھو نام بتایو
آدھون نام بتایو خسرو کون دیس کی بولی
وا کا نام جو پوچھا میں نے اپنے نام نبولی
جواب: ؟
شیام برن اور دانت انیک لچکت جیسے ناری
دونوں ہاتھ سے خسرو کھینچے اور یوں کہے میں آ ری*
*(آ ری یعنی آ رہی)
جواب: آری
ساون بھادوں بہت چلت* ہے ماگھ پوس میں تھوڑی
امیر خسرو یوں کہتے تو بوجھ پہیلی موری*
*( میری) * (چلتی ہے)
جواب: موری
جل جل چلتا بستا گاؤں بستی میں نا وا کا ٹھاؤں
خسرو نے دیا وا کا ناؤں بوجھو ارتھ نہیں چھاڈو گاؤں
جواب: ناؤ یعنی کشتی
بالا تھا جب سب کو بھایا بڑھا* ہوا کچھ کام نہ آیا
خسرو کہہ دیا* اس کا ناؤں ارتھ کرو نہیں چھاڈو گاؤں
* بڑھا جب بولیں گے تو بڑا سنائی دے گا -
* دیا یعنی چراغ ہی اس پہیلی کا جواب ہے -
جواب: دیا یعنی چراغ
نر ناری کی جوڑی ڈٹھی جب بولے تب لاگے مٹِھی
اک نہائے اک تاپن ہارا چل خسرو کر کوچ نقارہ
جواب: نقارہ
گانٹھ گٹھیلا رنگ رنگیلا ایک پرکھ ہم دیکھا
مرد استری اس کو رکھیں اس کا کیا کہوں لیکھا
جواب: ؟
ایک نار جب بن کر آوے
مالک کو اپنے اوپر بلاوے
ہے وہ ناری سب کے گوں کی
خسرو نام لیے تو چونکی
جواب: چونکی یعنی چوکی جو بیٹھنے کے لیے استعمال کی جاتی ہے
ایک نار چاتر کہلاوے
مورکھ کو نہ پاس بلاوے
چاتر مرد جو ہاتھ لگاوے
کھول ستر وہ آپ دکھاوے
جواب: عربی کا لفظ نار یعنی آگ
No comments:
Post a Comment